Medsol şirkəti Almaniyanın Düsseldorf şəhərində hər il keçirilən, dünyanın ən böyük tibb və səhiyyə sərgilərindən biri olan MEDICA 2024 sərgisində iştirak edib. Bu tədbir səhiyyə, tibb texnologiyaları, laboratoriya avadanlıqları, tibbi cihazlar və tibbi IT sahələrində fəaliyyət göstərən şirkətləri, mütəxəssisləri və elm adamlarını bir araya gətirib.

MEDICA 2024 sərgisi həm də, ən son texnologiyaların və innovasiyaların təqdim olunduğu, seminarların, konfransların və panel müzakirələrinin təşkil edildiyi genişmiqyaslı bir platforma kimi məşhurdur.

Bu iştirak Medsol şirkətinə həm yeni tərəfdaşlıqlar qurmaq, həm də səhiyyə sahəsindəki yenilikləri izləmək üçün unikal bir fürsət yaradıb.